المكان مدرستنا .
الزمان العام 1900م بدون تحديد السنة (عشان ناس الطيب النعمة ما يعرفوا عمرنا الحقيقي)
كنا وقتها تلاميذ بسنة سادسة قبل ما اِسموها ( الصف السادس) وكانو بقولوا لينا تلاميذ والآن سموهم (طلاب) والمدرسين يحليلهم زمان كان ليهم شنة ورنة والآن سموهم اْساتذه والذي هبت عليه رياح التغيير كتير ونرجع لحكايتنا .
اْولا قبل ما اِدق جرس الطابور بنقوم بنظافة ساحة المدرسة والفصول, والزول البليد في الحساب طبعا هسع سموها ( الرياضيات) هو والجماعة البخافوا من الجلد بشيلوا دفتر العيادة وبمشوا مابجوا الا بعد انتهاء الحصة الاولي .
اِنتهي الطابور بعد اْن اصطفينا اليه كطير الرهو في ايام الحصاد والزول الشعرو(مقوف)يعني كتير اْخذ ليهو محطة في ضهرو وقالوا ليهو اْحلق, والسروالو وسخان اْخدليهو قرصة في اضانو المهم انتهي الطابور بخيرو وشرو.
ودخلنا الحصة الاولي رياضيات مع الاستاذ كدكي وعدت بسلام , وبدت الحصة الثانية عربي والاستاذ
الصادق والاستاذ دا لحد الليلة ما لاقاني زول صعب زيو والله ود اخته اسمه الريح اْبي المدرسة خوف بس الصادق قال ليهو ماتقول خليت المدرسة اْنا مامسئول منك . والله اِن بقيت مساعدي اْنا مسئول منك
ومن المبادي الثابتة عند الصادق حتي اليوم ( اْبعدوا النتاية من الضكر والبيضة من الحجر)
ولو لقاك بتتونس مع بت خالتك او بت عمك والله الا تمرقك كراعك وممنوع منعا باتا طالب اْشق الحلة
بالبنطلون يسمح لك بالبنطلون في يوم السفر فقط ( قوانين حامورابي )
المهم دخل الفصل قال السلام عليكم, قلنا السلام عليكم ورحمة الله وبركاته اْجلسوا , جلسنا.
كتب علي السبورة /الحصة عربي / التاريخ / عنوان الدرس/ نون النسوة / وكتب الامثلة وشرح الدرس
وهو رجل متمكن لأبعد حد في مادته . يا اْولاد فاهمين ؟ فاهمين. في واحد عندو سوْال . صمت علامة
الرضا .طيب اْنا دايركم تدوني اْمثلة لجمل فيها نون النسوة , اْستاذ , اْستاذ ,ها يامبارك , الطالبات نجحن ممتاز , علي ود الادرع, البنات حضرن , ممتاز , حب الدين ,الطالبات درسن , ممتاز , اها صلاح
وهنا صاحب حكايتنا وهو ود اْخت المدير وجاي من المدينة مع خالو ومن يوم الجنا خته كراعو في المدرسة ماراكب للصادق في راسو وخايف من الولد انقل المدنية لهذه البلدة النا ئية وطبعا صلاح عندهم السينما وعارف حركات أولاد المدن والصادق خايف من الولد ده ينقل حركاتو دي لأولادنا المساكين طير الرهو.
اْه صلاح هات جملة فيها نون النسوة قام صلاح لي التسودها قال الطالبات زوجن وطبعا بقروا
معانا بنات الباشمفتش واْمين المخزن, وبت العمدة والصادق اِعتبر الولد دا قاصد يشاغل البنات ودي
الفرصة المنتظرها من يوم الوليد دا خت كراعو في المدرسة, الصادق عشان يتاكد قال ليهو كدي عيد
الجملة دي تاني . قال صلاح ( الطالبات زوجن) الصادق قال ليهو اِنـت اْطرش هسع الجنيات ديل من
الصباح بقولوا في شنو؟؟؟ اْطلع بره جلدوا عشرة جلدات زي السم وزميلنا أخد الفيها النصيب وإتحمل الجاتو رغم أن جملته صحيحة 100% وزميلنا قام الصباح بدري في اْول بص
طلع من الحلة شال شنطتو وقال لخالو اْنا بمشي اقراْ في اْهلي ناسكم البجلدو في (الطلبات زوجن)
ديل مابنفعوا معاي أحسن أمشي أكمل قرايتي مع أهلي ولي هسة حزنان علي صاحبي صلاح الما لاقيتوا تاني .
االأسئلة المطروحة هل هذه النوعية من الاساتذة مازالت موجودة في حقل التعليم؟؟؟؟؟؟؟؟؟
وهل التعليم اْصبح قبل التربية ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟
الزمان العام 1900م بدون تحديد السنة (عشان ناس الطيب النعمة ما يعرفوا عمرنا الحقيقي)
كنا وقتها تلاميذ بسنة سادسة قبل ما اِسموها ( الصف السادس) وكانو بقولوا لينا تلاميذ والآن سموهم (طلاب) والمدرسين يحليلهم زمان كان ليهم شنة ورنة والآن سموهم اْساتذه والذي هبت عليه رياح التغيير كتير ونرجع لحكايتنا .
اْولا قبل ما اِدق جرس الطابور بنقوم بنظافة ساحة المدرسة والفصول, والزول البليد في الحساب طبعا هسع سموها ( الرياضيات) هو والجماعة البخافوا من الجلد بشيلوا دفتر العيادة وبمشوا مابجوا الا بعد انتهاء الحصة الاولي .
اِنتهي الطابور بعد اْن اصطفينا اليه كطير الرهو في ايام الحصاد والزول الشعرو(مقوف)يعني كتير اْخذ ليهو محطة في ضهرو وقالوا ليهو اْحلق, والسروالو وسخان اْخدليهو قرصة في اضانو المهم انتهي الطابور بخيرو وشرو.
ودخلنا الحصة الاولي رياضيات مع الاستاذ كدكي وعدت بسلام , وبدت الحصة الثانية عربي والاستاذ
الصادق والاستاذ دا لحد الليلة ما لاقاني زول صعب زيو والله ود اخته اسمه الريح اْبي المدرسة خوف بس الصادق قال ليهو ماتقول خليت المدرسة اْنا مامسئول منك . والله اِن بقيت مساعدي اْنا مسئول منك
ومن المبادي الثابتة عند الصادق حتي اليوم ( اْبعدوا النتاية من الضكر والبيضة من الحجر)
ولو لقاك بتتونس مع بت خالتك او بت عمك والله الا تمرقك كراعك وممنوع منعا باتا طالب اْشق الحلة
بالبنطلون يسمح لك بالبنطلون في يوم السفر فقط ( قوانين حامورابي )
المهم دخل الفصل قال السلام عليكم, قلنا السلام عليكم ورحمة الله وبركاته اْجلسوا , جلسنا.
كتب علي السبورة /الحصة عربي / التاريخ / عنوان الدرس/ نون النسوة / وكتب الامثلة وشرح الدرس
وهو رجل متمكن لأبعد حد في مادته . يا اْولاد فاهمين ؟ فاهمين. في واحد عندو سوْال . صمت علامة
الرضا .طيب اْنا دايركم تدوني اْمثلة لجمل فيها نون النسوة , اْستاذ , اْستاذ ,ها يامبارك , الطالبات نجحن ممتاز , علي ود الادرع, البنات حضرن , ممتاز , حب الدين ,الطالبات درسن , ممتاز , اها صلاح
وهنا صاحب حكايتنا وهو ود اْخت المدير وجاي من المدينة مع خالو ومن يوم الجنا خته كراعو في المدرسة ماراكب للصادق في راسو وخايف من الولد انقل المدنية لهذه البلدة النا ئية وطبعا صلاح عندهم السينما وعارف حركات أولاد المدن والصادق خايف من الولد ده ينقل حركاتو دي لأولادنا المساكين طير الرهو.
اْه صلاح هات جملة فيها نون النسوة قام صلاح لي التسودها قال الطالبات زوجن وطبعا بقروا
معانا بنات الباشمفتش واْمين المخزن, وبت العمدة والصادق اِعتبر الولد دا قاصد يشاغل البنات ودي
الفرصة المنتظرها من يوم الوليد دا خت كراعو في المدرسة, الصادق عشان يتاكد قال ليهو كدي عيد
الجملة دي تاني . قال صلاح ( الطالبات زوجن) الصادق قال ليهو اِنـت اْطرش هسع الجنيات ديل من
الصباح بقولوا في شنو؟؟؟ اْطلع بره جلدوا عشرة جلدات زي السم وزميلنا أخد الفيها النصيب وإتحمل الجاتو رغم أن جملته صحيحة 100% وزميلنا قام الصباح بدري في اْول بص
طلع من الحلة شال شنطتو وقال لخالو اْنا بمشي اقراْ في اْهلي ناسكم البجلدو في (الطلبات زوجن)
ديل مابنفعوا معاي أحسن أمشي أكمل قرايتي مع أهلي ولي هسة حزنان علي صاحبي صلاح الما لاقيتوا تاني .
االأسئلة المطروحة هل هذه النوعية من الاساتذة مازالت موجودة في حقل التعليم؟؟؟؟؟؟؟؟؟
وهل التعليم اْصبح قبل التربية ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟
